A memoria da Asociación O Defensor do Paciente sitúa a Lugo como a provincia galega con menos casos denunciados por neglixencia médica. Durante o 2018, houbo un total de 651 situacións de deixamento no Servizo Galego de Saúde (Sergas), dos que unicamente 30 se produciron nos centros hospitalarios lucenses. Este dato queda rexistrado nun período de aumento das neglixencias e as listas de espera.
Os hospitais galegos máis denunciados, segundo expón O Defensor do Paciente, son os Chuac, Chuvi, CHUS, CHOP e CHOU. As reclamacións, especialidades e servizos máis denunciados, como recolle GaliciaConfidencial, están vencelladas ás “urxencias, lista de espera, cirurxía xeral, traumatoloxía e xinecología e obstetricia”.
Así, o informe salienta as 276 neglixencias denunciadas na Coruña, próxima ás 274 rexistradas en Pontevedra, e lonxe das 71 de Ourense e as 30 de Lugo.
