Un mozo foi detido en Lugo sorprendido mentres, supostamente, roubaba nun domicilio particular do barrio da Ponte, concretamente na Estrada Vella de Santiago. Foi a Policía Nacional a que practicou a detención, alertada polos veciños, que viron como este entraba no domicilio, polo que puideron localizalo no mesmo lugar onde estaba a actuar encapuchado.

Os axentes que practicaron a detención atopáronlle en poder de varios obxectos de procedencia descoñecida, como xoias e diñeiro, e están a investigar aínda se estes proceden doutros roubos que se practicaron en días anteriores no mesmo barrio ou outras zonas da cidade.

O detido, de menos de 25 anos, actuou acompañado doutra persoa, á que aínda non se puido identificar, pero que a Policía Nacional busca, xa que a investigación segue aberta. O mozo foi posto a disposición xudicial e o xulgado de Instrución decretou a liberdade con cargos.