O Concello de Lugo comunicou a recuperación do servizo de abastecemento de auga que foi suspendido esta mañá nunha ampla zona da cidade debido á rotura dunha tubaxe durante a execución das obras que está a levar a cabo Xestur no polígono industrial das Gándaras.
Esta avaría provocou un corte na subministración de auga da Rede Municipal. Debido a isto, o Concello informou de que cortou o servizo desde esta mañá ás zonas afectadas, que son a parte superior do barrio das Gándaras, Cima de Vila, A Campiña, A Fervedoira e Muxa, con repercusión tamén no HULA e a residencia de maiores das Gándaras.
Debido á “complexidade” da avaría, a Brigada de Augas anunciou que non se pode determinar aínda cando quedará restablecido o servizo, aínda que afirmaron que “se están pondo todos os medios para que sexa canto antes”.
O Concello pediu desculpas á cidadanía afectada “polas molestias que lles ocasione este corte de auga, que, remarca, non se produciu pola actividade de ningún servizo municipal, e que se está tentando resolver canto antes”.
