A Policía Local de Lugo detivo a unha muller por agredir a un axente despois de que o vehículo no que viaxaba de copiloto saísese da vía e o condutor dese positivo en alcoholemia. Tal e como informou a Policía, os feitos sucederon nas proximidades do cemiterio da capital lucense. Mentres os axentes de Atestados ealizaban as probas correspondentes ao condutor, a acompañante comezou a “interferir activamente no labor policial”, proferindo insultos e desobedecendo os requirimentos.
A continuación, a muller agrediu a un dos axentes, dándolle golpes e patadas, o que motivou a súa detención e posterior traslado a dependencias policiais.
INSULTOS DURANTE UNHA PROBA DE ALCOHOLEMIA
Así mesmo, noutro control na rúa Montero Ríos, unha muller que tamén viaxaba de copiloto comezou a gritar e insultar aos axentes da Unidade de Atestados. Tras pedirlle que se identificase, a implicada afirmou que non levaba encima a documentación, polo que foi trasladada a dependencias policiais para a súa filiación.
Por estes feitos, os axentes formularon denuncia por desobediencia, faltas de respecto e obstaculización do labor policial, o que podería carrexar sancións de ata 600 euros por desobediencia ou falta de respecto e de ata 30.000 euros por obstaculizar a actuación da policía no exercicio das súas funcións.
