O que foi número dous na lista da exregidora e deputada autonómica Lara Méndez, Miguel Fernández, será o próximo alcalde de Lugo tras o falecemento de Paula Alvarellos por un infarto o pasado venres cando levaba pouco máis dun ano como rexedora.

Unha vez acabado o loito oficial, os membros do grupo municipal reuníronse na tarde deste mércores para tomar unha decisión definitiva sobre quen ía facerse cargo do bastón de mando lucense, e para o que se barallaban o tres primeiros da lista.

A reunión, na que participaron todos os concelleiros socialistas, o secretario provincial do PSOE, José Tomé, e a responsable de Organización na provincia, Pilar García Porto, prolongouse durante máis de horas.

Á saída, atendeu aos medios José Tomé, quen informou de que a decisión foi tomada por unanimidade, de forma que Miguel Fernández será elixido como rexedor no pleno que se celebrará, como moi tarde, o próximo día 11 de marzo.