Os axentes do Grupo Operativo Nocturno da Unidade Territorial de Policía de Barrio de Lugo, nun operativo conxunto coa Policía Nacional, levaron a cabo inspecciones en varios locais de lecer nocturno e de hostalaría da cidade durante este fin de semana nos que identificaron a un total de 65 persoas e incautaron diferentes tipos de droga.
En concreto, durante a noite do venres ao sábado inspeccionaron dous locais de lecer nocturno no centro da cidade, onde identificaron a 35 persoas e levantaron cinco actas de denuncia con incautación de cocaína, marihuana, haxix e MDMA.
Ademais, nun dos locais detectaron que o controlador de accesos carecía da acreditación perceptiva da Xunta, así como irregularidades no referente á seguridade e hixiene do establecemento e que se permitía sacar consumicións ao exterior do local. No segundo establecemento, tamén notificaron que o controlador de accesos carecía da acreditación perceptiva da Xunta e irregularidades no referente á seguridade e hixiene. Doutra banda, detectaron obstrucións en corredores e zonas de uso común con obstáculos e que carecía dos carteis relativos á existencia de cámaras de videovigilancia.
Do mesmo xeito, durante a mañá do domingo, inspeccionáronse dous locais da zona norte da cidade, nos que se identificou a 30 persoas. Así mesmo, nun dos locais atopábase xente fumando no interior, carecía de carteis coa información relativa ao establecemento e non acreditaba concertar o seguro de responsabilidade civil. Tamén detectaron estas carencias no segundo dos locais inspeccionados, no que tampouco dispuñan de follas de reclamacións.
SEGURIDADE VIARIA
Por outra banda, os axentes da Policía Local lucense denunciaron catro infraccións relacionadas con alcoholemia ao volante durante este fin de semana.
