- Advertisement -
Un bus urbano de Lugo sufriu este xoves un accidente de tráfico e causou danos nunha vivenda do barrio de Albeiros, segundo informou a Policía Local, que tamén sinalou que un dos pasaxeiros resultou ferido. O accidente ocorreu sobre as 11.00 horas na rúa Camiño do Souto, cando o autocar “marchou de atrás” e impactou contra unha vivenda, causando danos materiais.
Ademais, un dos usuarios do bus sufriu un golpe na cabeza, pola que sangraba de forma abundante, segundo trasladaron fontes policiais. Segundo informaron fontes de Urxencias Sanitarias-061, o pasaxeiro ferido, J.C.D.M., de 53 anos de idade, foi trasladado nunha ambulancia de soporte vital básico ao hospital Lucus Augusti da cidade.
