O PP lucense esixiu este luns ao presidente da Deputación, o socialista José Tomé, que “pida desculpas públicas aos lucenses” tras “asegurar que o tempo de viaxe entre Lugo e Ourense unha vez finalizadas as obras en marcha na liña ferroviaria será de 45 minutos”, cando o Clúster da Función Loxística “sitúao nun mínimo de 1 hora e 22 minutos, case o dobre”.
O deputado lucense no Congreso Jaime de Olano acusou ao dirixente socialista de “mentir” aos lucenses. “Mesmo me acusaba de contar mentiras que non estaban sustentadas en datos fiables”, rememorou.
“Agora non o di o Partido Popular, senón os propios profesionais do sector, que rebaixan a velocidade media do tren pola provincia a 75km/h no canto do 160km/h que di Tomé, subliñou.
Nun comunicado, os populares lucenses lembran que advertiron “en numerosas ocasións” da necesidade de retomar os proxectos das variantes de Rubián e Os Peares-Canabal como previra o anterior Goberno do PP para “facer posible que chegue á provincia a alta velocidade”.
