Axentes da Policía Nacional detiveron en Lugo a dúas persoas como autores dun delito de falsificación e estafa, por pór a nome dun terceiro ata cinco vehículos e cargarlle as facturas, recibos e multas.

Os feitos foron denunciados nas dependencias da Policía Nacional da rúa Chantada pola vítima, que fora estafada por unha cantidade importante de diñeiro. Os detidos puxeran ao seu nome ata a cinco vehículos e cargáronlle os impostos e recibos, así como as posteriores denuncias que se xeraron pola circulación dos mesmos.

A cantidade debida era tan elevada que chegou a procederse ao embargo dos ingresos da denunciante, ao estar ao seu nome os vehículos e facturas. Unha vez analizada a documentación e realizadas as dilixencias necesarias, púidose determinar que os dous detidos incorrerían en senllos delitos de suplantación de identidade e estafa, polo que se procedeu á súa detención e posta a disposición xudicial.