O goberno local de Lugo, a través de Protección Civil, formalizou este martes un convenio de colaboración co CIFP As Mercedes que permitirá ao alumnado do curso especializado en drones levar a cabo prácticas vinculadas á súa formación mediarnte o desenvolvemento dun centro móbil de seguimento de emerxencias.
A entrega do vehículo que cede o consistorio para este fin contou coa asistencia da alcaldesa, Paula Alvarellos, e do director do centro, Joaquín Expósito.
O alumnado, informa o goberno local, instalará diversos sistemas no vehículo cedido por Protección Civil como o seguimento a través de drones e cámaras infravermellas.
“Facilitando a procura e o rescate de persoas desaparecidas, entre outras intervencións, en emerxencias”, sinala o goberno local que explica que o proxecto inclúe tamén a creación dun posto de mando que permitirá o acceso en tempo real a distintas cámaras.
