Cinco persoas resultaron feridas nun accidente con catro vehículos implicados rexistrado na tarde deste mércores no corredor de Nadela, dentro do termo municipal de Lugo.

Segundo trasladou o CIAE 112 Galicia, o sinistro produciuse ao redor das 16,50 horas no punto quilométrico 0,900 do corredor, onde un vehículo estilo ‘pick up’ chocou frontalmente contra outro coche.

O impacto provocou que outros dous vehículos tamén resultasen implicados no sinistro, que deixou cinco feridos de diversa consideración. Dous deles atopábanse atrapados no interior dos seus vehículos e precisaron de axuda para ser liberados.

Ata a zona mobilizáronse efectivos de Urxencias Sanitarias 061, que procederon ao traslado ao HULA dos feridos. Ademais, tamén acudiron á zona axentes da Garda Civil, Policía Local, bombeiros e persoal do servizo de mantenimento e conservación da estrada.

A central de emerxencias recibiu a alerta do accidente por varias vías, desde a chamada de testemuñas do accidente ao sistema ‘ecall’ dun dos coches implicados, que ofreceu as coordenadas do lugar do accidente e, mesmo, permitiu aos xestores do 112 comunicarse co interior do vehículo.