A Policía Local de Lugo abriu expediente sancionador a 12 condutores tras dar positivo na proba de alcoholemia e a outro cinco por drogas, segundo informa. Foi no marco dunha campaña contra o consumo de alcol e outras sustancias levada a cabo entre os días 19 e 25 deste mes de agosto con controis “en numerosos puntos da cidade”.

Así mesmo, no transcurso destes controles oito condutores foron investigados por presuntos delitos contra a seguridade viaria, outro foi denunciado por facer uso dun permiso de conducir estranxeiro “non susceptible de cambio” e outro co carné caducado.

Ademais, procedeuse a identificacións no caso de dous vehículos coas lúas tintadas e sete sen ser sometidos á inspección técnica periódica no prazo regulamentario. Como resultado destes operativos, tamén foi denunciado un peón por obstaculizar o labor policial “increpando e faltando ao respecto aos axentes”.