O BNG reclamou ao Goberno actuacións para “mellorar e modernizar” servizos ferroviarios en Lugo, no marco dunha campaña con iniciativas nas Cortes.

Trátase da campaña ‘Lugo Quere Tren’ na que se demandan máis actuacións no ámbito dos servizos ferroviarios na provincia de Lugo.

Entre as iniciativas, o deputado nacionalista Néstor Rego pide que se concrete o estado de licitación do estudo sobre a variante ferroviaria entre Lugo e Santiago.

“Para impulsar a conexión que o BNG incluíu no Acordo de Investidura”, apuntan os nacionalistas, que esixen tamén ao Ministerio de Transportes “rectificar a decisión de suprimir o Intercity das 08,45 horas e repor servizos e frecuencias existentes antes da pandemia”.