InicioSociedadeO dispositivo de limpeza para o Arde Lucus mobilizará a case un...

O dispositivo de limpeza para o Arde Lucus mobilizará a case un cento de operarios e máis de 40 vehículos

Incidirá nos espazos e momentos do día nos que se espera unha elevada presenza de público ou xeración de residuos.

PUBLICADA O

- Advertisement -

O Concello de Lugo habilitará un dispositivo especial de limpeza viaria e recollida de lixo durante o Arde Lucus que mobilizará a un total de 94 operarios e operarias e a un total de 43 vehículos. “Ten como obxectivo que Lugo poida ofrecer a súa mellor imaxe aos miles de visitantes que chegarán nestas datas e que os lucenses e as lucenses non vexan alterada a calidade dun servizo cada vez mellor valorado”, sinalou o edil de Transición Ecolóxica Miguel Fernández.

O concelleiro destacou que a planificación, deseñada polos técnicos municipais en colaboración con Ecolugo, incidirá nos espazos e momentos do día nos que se espera unha elevada presenza de público ou xeración de residuos. O responsable de Transición Ecolóxica destacou tamén que “para anticiparse ás necesidades de limpeza que derivarán do aumento de público a fin de semana, tanto o sábado como o domingo os traballos empezarán ás 6.00 horas”. Ademais, para garantir unhas óptimas condicións de salubridade nas rúas, o Consistorio instalará un total de 42 sanitarios portátiles, dos que 12 serán adaptados, en distintos puntos do trazado urbano.

+ posts

ÚLTIMAS

Desaloxados varios colexios en Lugo por ameaza de bomba

A Policía Nacional levou a cabo na mañá deste mércores desaloxos en colexios galegos...

Buscan en Suíza probas da falsa médica sobre a que pesa unha orde internacional de procura

O xulgado de instancia de Lugo, sección penal, praza 2, agarda resposta das autoridades...

Frustrado un roubo nunha nave industrial en Lugo e detido un dos implicados

Axentes da Policía Nacional de Lugo detiveron un home como presunto autor dunha tentativa...

Detidas en Lugo unha nai e a súa filla por unha suposta agresión mutua

A Policía Local de Lugo detivo unha muller e a súa filla como presuntas...