InicioSucesosDenunciados en Lugo un condutor e o seu acompañante por varios delitos...

Denunciados en Lugo un condutor e o seu acompañante por varios delitos contra a seguridade viaria

PUBLICADA O

- Advertisement -

Axentes da Policía Local de Lugo denunciaron a un condutor e ao seu acompañante, pola suposta comisión de varios delitos contra a seguridade viaria durante a realización dun control na rúa Dinán, na madrugada do pasado domingo.

Segundo informaron fontes policiais, durante ese control, os axentes deron o alto a un vehículo, cuxo condutor foi sometido a unha proba de alcoholemia, que deu resultado positivo de 0,39 mg/l e motivou a apertura de expediente sancionador.

Cando os policías estaban a notificar a sanción ao condutor, o acompañante púxose ao volante, accionou o motor e iniciou a marcha. Esta persoa foi intercepada polos propios axentes, un dos cales conseguiu abrir a porta do coche e agarrar ao home para paralo, cando tiña clara intención de fuxir do lugar.

Os axentes identificárono e comprobaron que carece de permiso de condución, por non obtelo nunca. Ademais, ao observar que presentaba signos de embriaguez, convidárono a realizar a proba de alcoholemia, pero o home negouse. Por iso, instruíronse dilixencias por conducir baixo os efectos do alcol, por negarse a realizar a proba e por porse ao volante sen carné.

Poucos minutos despois, no mesmo punto, a Policía deu o alto a outro condutor, que tamén foi sometido a unha proba de alcoholemia, con resultado de 0.78 mg/l, polo que tamén foi denunciado e inmobilizouse o seu vehículo.

ÚLTIMAS

Ofertan 100 prazas para labores de panadaría nunha compañía do sector da alimentación de Lugo

Adecco publicou este mércores unha oferta de emprego de 100 prazas para labores de panadaría nunha compañía...

Dous cabalos soltos en pleno centro de Lugo

A Policía Local de Lugo informou de que, o pasado 28 de marzo, localizou na Avenida...

Anunciado o traspaso das parcelas para a nova Comisaría de Policía Nacional en Lugo

O delegado do Goberno en Galicia, Pedro Blanco, e o alcalde de Lugo, Miguel...

Miguel Fernández elude situarse sobre os candidatos a presidir o PSOE provincial

O alcalde de Lugo, Miguel Fernández, eludiu situarse e explicar a que candidato apoiará no...