InicioPolíticaMéndez pide a PP e Cs de Lugo que se posicionen contra...

Méndez pide a PP e Cs de Lugo que se posicionen contra os pactos coa ultradereita

A alcaldesa de Lugo ve alarmante que estas formacións negocien cun partido "que odia ás mulleres" e considera que "calar agora é ser cómplice"

PUBLICADA O

- Advertisement -

No mesmo día en que se conmemoraban catro décadas de ordenamento constitucional, a principal autoridade do Concello de Lugo advertiu do “serio risco de entrar nunha deriva perigosa de perda de dereitos”. Lara Méndez lanzou este aviso pola normalización da ultradereita, dada a intención de Partido Popular e Ciudadanos de negociar o apoio de Vox para conformar goberno na comunidade máis poboada.

Esta posición da ultradereita resulta “alarmante” para a rexedora, inqueda polas posibles concesións a un partido “machista, misóxino, homófobo e racista”, e que “avoga por eliminar as ferramentas que puxemos en marcha para acadar a igualdade e defender as vidas das mulleres”.

“Calar agora é ser cómplice”

Méndez cominou á dereita lucense e galega, nomeadamente Partido Popular e Ciudadanos, a posicionarse contra este virtual pacto coa ultradereita. “Pídolles que falen, que digan claramente se apoian que os seus partidos pacten cunha forza que quere derogar a lei que protexe ás mulleres, que criminaliza aos inmigrantes, que quere suprimir as autonomías e acabar coa Lei de Memoria Histórica”.

De non oporse, estas formacións estarían a “branquear este ideario”. Considera Méndez, por outra banda, que un pacto coa ultradereita implicaría contradir a postura da dereita europea, “que fai fronte común cos partidos demócratas para evitar o perigo da extrema dereita e o recorte de dereitos”. A candidata a repetir na alcaldía pediu seguir esta liña e “explicarlles aos lucenses se están realmente no bando dos demócratas”. “Calar agora é ser cómplice”.

ÚLTIMAS

Seis traballadoras sociais de Lugo denuncian acoso por parte da concelleira de Benestar Social

Seis das 16 traballadoras dos centros sociais municipais do Concello de Lugo presentaron unha...

O recinto feiral de San Froilán contará con caseta de lactación, punto violeta e haberá unha hora sen ruídos pola tarde

A concelleira de Cultura, Maite Ferreiro, informou da aprobación en Xunta de Goberno do Plan de...

A deputación pide por unanimidade que Lugo sexa a sede da Axencia Estatal de Saúde Pública

A Deputación de Lugo apoiará a candidatura do Concello de Lugo para acoller a sede da futura Axencia Estatal...

Detido en Becerreá un traballador sen contrato por provocar un incendio forestal con maquinaria de roza

A Garda Civil detivo este martes a un home de 48 anos, de nacionalidade...