InicioA UlloaO Colexio de Arquitectos de Galicia presenta alegacións ao proxecto de Altri...

O Colexio de Arquitectos de Galicia presenta alegacións ao proxecto de Altri en Palas e pide máis información

O Colexio entende que o proxecto de Greenfiber "sementa moitas dúbidas" e non se acomoda ao modelo de desenvolvemento que "Galicia necesita".

PUBLICADA O

- Advertisement -

O Colexio oficial de Arquitectos de Galicia (COAG) acordou presentar alegacións ao Estudo de Impacto Ambiental do proxecto industrial que a firma Greenfiber (Altri e Greenalia) ten intención de instalar no municipio lucense de Palas de Rei. Así, tal e como detalla nunha nota de prensa, reclama “máis información” sobre unha iniciativa que “non se acomoda ao modelo de desenvolvemento territorial que Galicia necesita”.

“Cremos que o modelo de desenvolvemento industrial de Galicia tense que facer con criterios de sustentabilidade, defensa do medioambiente e integración dos proxectos económico/empresariais no conxunto dos valores e tradicións sociais, culturais, paisaxísticas e etnográficas dun territorio”, argumentou.

Neste sentido, valorou que a industrialización do século XXI ten que apostar por “a evolución do territorio e non por unha alteración radical con criterios propios do século pasado”. Así, o Colexio entende que o proxecto de Greenfiber “sementa moitas dúbidas” sobre o cumprimento das directrices autonómicas de Ordenación do Territorio, “en especial pola ausencia de indicadores esenciais”. Do mesmo xeito, apunta que o proxecto aposta por unha industria “de primeira transformación” e “non avanza na circularidade nin completa o ciclo da madeira con criterios de sustentabilidade”.

Tamén sinala que “insiste en proxectos forestais que requiren unha especie de alto consumo de auga” o que, na súa opinión, “compromete a aposta autonómica polo ciclo integral da auga”.

Doutra banda, os arquitectos critican que se coloque un proxecto industrial en “primeira liña” do Camiño de Santiago “sen solicitar previamente o impacto do mesmo na consideración desta Ruta como Patrimonio da Humanidade”.

ÚLTIMAS

Pasará a disposición xudicial o profesor do CEIP Albeiros por presunto abuso a menores

O profesor do CEIP Albeiros de Lugo detido na xornada do mércores pola Policía Nacional investigado...

Ulloa Viva acusa a Rueda de “falta de respecto” aos participantes na manifestación contra Altri

A Plataforma Ulloa Viva tacha de "falta de respecto" cara aos asistentes á manifestación...

Hael Docampo, emprendedora que apostou pola gandería en Castroverde

Segundo sabemos, esta moza era máis de animais que de gando, pero co tempo...

Denuncian o estado ruinoso dunha ponte medieval, paso de peregrinos

Alertados por uns veciños, dende o Colectivo Patrimonio dos Ancares acaban de comunicar á...