InicioEconomíaGreenfiber quere mostrar a empresarios de Lugo a achega de Altri á...

Greenfiber quere mostrar a empresarios de Lugo a achega de Altri á economía local

PUBLICADA O

- Advertisement -

A sede da Confederación de Empresarios de Lugo (CEL) e Cámara de Comercio de Lugo acolleu este mércores unha reunión con representantes do equipo directivo de Greenfiber (formado pola enerxética Greenalia e a multinacional lusa Altri), para dar a coñecer diversos aspectos vinculados ao proxecto Gama, que pretende a construción dunha fábrica de fibras téxtiles en Palas de Rei.

A intención do encontro, apuntan desde a compañía, foi a de “mostrar a súa repercusión na dinamización económica da zona a través da creación dunha industria pioneira baseada na produción de lyocell, unha fibra téxtil de base celulósica e, por tanto, 100% biodegradable”.

Durante a presentación técnica, Bruno Dapena, director do proxecto, incidiu no obxectivo da compañía de trasladar á contorna de Palas de Rei o modelo da fábrica Biotek de Altri en Portugal, “que logrou integrar a convivencia coa comunidade e a xeración de riqueza”.

Ademais, destacou o valor do proxecto Gama para impulsar unha industria cunha tecnoloxía de produción pioneira “que permite valorizar en Galicia madeira que hoxe se está vendendo fóra da comunidade e aspira, nun futuro, a terminar de pechar o ciclo coa reciclaxe da industria téxtil”.

O “elevado nivel de esixencia ambiental” foi outro dos apartados da charla, tanto desde o punto de vista de emisión de partículas como do tratamento da auga, que “se devolve na súa práctica totalidade ao río sen alterar as súas condicións actuais”. “O noso compromiso e a nosa tecnoloxía permitiunos ir máis aló do que marca a lei”, dixo o directivo.

O capítulo da xeración de emprego e as políticas de formación foi abordado por Olga López Arias, responsable de Recursos Humanos de Greenfiber, que destacou que o compromiso da empresa co seu persoal é “sempre favorecer a formación e empregabilidade da comunidade onde está asentada”, polo que priorizarán “a contratación de profesionais da zona e do resto de Galicia, captando talento e mozos coa capacitación e experiencia necesaria para levar a cabo o proxecto, e ofrecendo posibilidades de formación a aqueles que nestes momentos non a posúen”, dixo.

Segundo dixo a directiva aos empresarios, o persoal proxectado para facer fronte á capacidade produtiva de Gama rolda os 500 empregos directos e uns 2.000 empregos indirectos, así como máis de 4.000 empregos en momentos pico durante a edificación da fábrica.

Pola súa banda, o presidente da Cámara de Comercio, Industria e Navegación de Lugo e secretario xeral da CEL, Jaime Luís López Vázquez, e o resto de empresarios que asistiron ao encontro interesáronse por cuestións como a empregabilidade local ou as previsións de crecemento na capacidade de produción da fábrica de Palas de Rei.

ÚLTIMAS

Adra Pallón, o fotógrafo lucense que retrata a desaparición deses “lumes ou casas habitadas”

"Unha voz que se move entre o berro, a denuncia e a homenaxe", así define...

XXI Xornadas Técnicas de Seragro: 14 e 15 de novembro

O comité organizador das XXI Xornadas Técnicas de Seragro está xa a traballar na...

Altri sobre a súa planta en Palas: “non emitirá dioxinas nin será prexudicial para a saúde”

Greenfiber, do grupo portugués Altri, defende que a planta de fibras téxtiles que proxecta...

Detido un veciño de Mondoñedo tras romper peches de campos de pasto de gando vacún

A Garda Civil detivo a un veciño da localidade lucense de Mondoñedo tras romper...