A Policía Local denunciou en Lugo a un condutor multirreincidente por delitos contra a seguridade viaria, segundo recolle o seu parte de incidencias. Na mañá do luns un equipo de Atestados deu o alto ao condutor dun coche que realizaba unha condución irregular pola rúa Alta.
Ao identificalo, comprobouse que carecía de permiso de condución por perda de vixencia, comprobando, ademais, que desde decembro de 2023 ata a data, fóra investigado en seis ocasiones por delitos contra a seguridade viaria.
Ademais de intruirse dilixencias por un delito contra a seguridade viaria na modalidade de xuízo rápido, procedeuse á retirada do coche. Ao condutor, de 42 anos e veciño de Lugo, denuncióuselle tamén por infracción á Lei de Seguridade Viaria.
PERSOA DESORIENTADA
Noutra orde de cousas, na tarde do martes unha patrulla da Unidade Territorial da Policía de Barrio de Lugo acudiu á avenida Carballo Calero xa que o interior do autobuús urbano había unha persoa desorientada.
O condutor explicoulles que realizara dúas viaxes completas sen baixarse en ningunha parada e que cando lle preguntou onde ía contestou a Ramil, avisándolle que esa liña non facía o citado percorrido. Ao comprobar que estaba desorientado, deuse aviso a un familiar.
