Unha muller necesitou ser trasladada a un centro hospitalario tras envorcar lateralmente co seu coche cando circulaba pola estrada N-540, á altura do quilómetro 63, ao seu paso pola Barrela, na parroquia de Caballedo.

O 112 Galicia tivo constancia do accidente ás 14,15 horas a través da chamada dun particular. Informaba que non sabía se había alguén atrapado no interior do vehículo.

Así, informouse do sucedido a Urxencias Sanitarias de Galicia-061 e aos Bombeiros de Chantada, os cales explicaron que si había unha persoa atrapada no interior do vehículo, aínda que non foi necesaria a súa excarceración, xa que a ocupante puido abandonar o vehículo pola porta traseira coa axuda dos equipos de emerxencia.

Tamén foron informados os axentes da Garda Civil e os membros de Protección Civil de Carballedo. Finalmente, a persoa afectada foi trasladada polo persoal sanitario ao centro hospitalario de referencia.