O condutor dun camión resultou ferido ao envorcar co vehículo que manexaba cando circulaba pola autovía A-6 á altura do municipio lugués de Guitiriz. Segundo informou o CIAE 112 Galicia, o accidente tivo lugar ás 13,00 horas deste luns á altura do quilómetro 531 da A-6, en Trasparga.

O condutor puido saír polos seus propios medios do interior do camión para poder recibir atención sanitaria por parte dos profesionais Urxencias Sanitarias 061 desprazados ao lugar.