A Garda Civil imputou en calidade de investigados a dous veciños de Lugo, ambos de 46 anos, como supostos autores dun delito de apropiación indebida de dous vehículos de alta gama dunha empresa de renting –aluguer de vehículos a longo prazo–. Tal e como explicou o Instituto Armado nunha nota de prensa, os vehículos xa foron devoltos á empresa propietaria en calidade de depositario xudicial.

As dilixencias foron remitidas ao xulgado de 1ª instancia e instrución en funcións de garda da localidade lucense de Vilalba.