A Dirección Xeral de Tráfico (DGT) vai poñer en servizo na vía CG-2.2, o corredor Nadela–Monforte de Lemos, un novo equipo radar para o control de velocidade.  O dispositivo localizarase no punto kilométrico 35,500, en Vila de Mouros, á altura de Magnesitas de Rubián.

Coa instalación deste sistema, que operará nos dous sentidos da circulación, Tráfico informa de que se persegue a reducción do número de accidentes neste corredor, a través do control do cumprimento dos límites de velocidade.

O límite de velocidade nesta vía é de 100 km/h nos dous sentidos da vía. A existencia do radar advírtese previamente na estrada a través dun sinal informativo vertical, que xa é visible. Con este serán tres os radares fixos do corredor Nadela-Monforte. Os outros dous sitúanse nos puntos quilométricos 2,150 e 26,800.

Lémbrase desde a DXT  que na web www.dgt.es pódese acceder a toda a información sobre os equipos de control de velocidade instalados.