InicioSociedadeUnha tractorada organizada por Whatsapp pretende colapsar Lugo

Unha tractorada organizada por Whatsapp pretende colapsar Lugo

As protestas están apoiadas por Vox. Os principais sindicatos agrarios desvinculanse delas.

PUBLICADA O

- Advertisement -

As tractoradas irrompen en plena campaña das eleccións galegas, que se celebrarán o 18 de febreiro, con preto dun centenar de vehículos agrícolas procedentes de municipios ourensáns de Xinzo e Maceda que se dirixen cara á cidade de Ourense na mañá deste martes, nunha xornada na que hai tamén outra protesta convocada na cidade de Lugo, que conta co respaldo da plataforma Agromuralla.

Así, ante a Subdelegación do Goberno en Ourense montou un dispositivo de seguridade que conta con presenza da Policía Nacional. Igualmente, coches da Garda Civil atópanse o polígono ourensán de San Cibrao das Viñas, onde se prevé que se atopen os tractoristas antes de entrar na capital das Burgas.

Así mesmo, efectivos controlan que non hai incidentes na circulación nas estradas N-525, que une Xinzo con Ourense, e a N-120, entre Maceda e Ourense. Paralelamente, para este martes está convocada unha protesta de tractores en Lugo tras organizarse por ‘Whatsapp’. Esta mañá dirixíanse cara ao polígono das Gándaras coa intención de chegar ás rúas da cidade amurallada para protestar contra unhas políticas europeas adoptadas en materia agraria. Na xornada do pasado luns, o conselleiro do Medio Rural da Xunta de Galicia, José González, trasladou ao sector agrario o “posicionamento contundente e claro” do Executivo galego coas “reivindicacións” de agricultores e gandeiros.

Todo iso nunha xornada na que se suceden cortes de estradas e protestas de agricultores e gandeiros en diferentes comunidades, do mesmo xeito que nas últimas semanas en varios países europeos.

POLITIZACIÓN

O líder de Vox, Santiago Abascal, reivindicou este martes que: “Hoxe, por convicción e por coherencia , apoiamos as xustas reivindicacións de quen se manifestan”. “Desde hai anos denunciamos os ataques ao campo, a suicida axenda 2030, e as políticas globalistas que apoian PP e PSOE en Bruxelas”, asegurou.

Con todo, as organizacións agrarias galegas máis representantivas, como son Unións Agrarias e Sindicato Labrego, desmárcanse de realizar protestas en plena campaña ás eleccións galegas para non “mesturar mobilizacións e citas electorais”, polo que aprazan mobilizacións a despois do 18 de febreiro.

ÚLTIMAS

A Deputación de Lugo culpa á Xunta de “incumprir” o proceso de estabilización e esixe o fin da “temporalidade”

O pleno da Deputación Provincial de Lugo aprobou este martes unha moción do Grupo Provincial Socialista...

Adega denuncia que a captación de auga para Altri provocará “problemas de abastecemento”

A Asociación para a Defensa Ecolóxica de Galiza (Adega) censura a solicitude de captación...

Remite o temporal que deixa moita neve, inundacións e estradas cortadas en Lugo

Os efectos do temporal remitiron nas últimas horas en Galicia, cun descenso no volume de precipitacións...

A neve dificulta a circulación en Lugo e os camións non poden circular pola LU-633 en Pedrafita do Cebreiro

A caída de neve dificultou a circulación na provincia de Lugo e, en concreto,...