InicioPolíticaFernández Liñares ingresa na prisión de Monterroso para cumprir condena por suborno...

Fernández Liñares ingresa na prisión de Monterroso para cumprir condena por suborno e prevaricación

PUBLICADA O

- Advertisement -

O que foi presidente da Confederación Hidrográfica Miño-Sil (CHMS) Francisco Fernández Liñares ingresou este luns, de forma voluntaria, na prisión lucense de Monterroso para cumprir a condena de catro anos e medio de cárcere aos que foi condenado polo Tribunal Supremo por delitos continuados de suborno e prevaricación mentres presidiu a entidade.

O tamén ex concelleiro socialista en Lugo recibiu a semana pasada unha notificación da Audiencia Provincial de Lugo na que se lle daba un prazo de 10 días para ingresar de forma voluntaria nun centro penal da provincia. Con iso, se lle facultaba para elixir a prisión na que cumprir o que resta de condena. Na tarde deste luns, dentro do prazo outorgado, Fernández Liñares decantouse por ingresar na prisión de Monterroso e non pola de Bonxe, onde xa estivo en prisión preventiva no seu momento.

O Supremo emitiu o verán pasado unha sentenza en relación ao caso de Fernández Liñares na que rebaixaba a pena de prisión ditada dous anos antes pola Audiencia de Lugo. Con iso, agora deberá cumprir catro anos e medio de cárcere, menos os meses que xa estivo en prisión provisional.

O fallo está relacionado coa adxudicación de obras a empresarios cos que se puxo de acordo a cambio de diñeiro ou de prestacións de traballo nas súas propiedades. Correspóndese, ademais, coa primeira peza separada da macro causa ‘Operación Pokémon’, instruída por Pilar de Lara.

En síntese, determina o TS, os feitos probados recollen que o condenado contraviu o establecido na Lei do Sector Público que obriga aos órganos de contratación a velar por que todos os licitadores reciban igual trato e a non facilitar, de forma discriminatoria, información que poida dar vantaxes a determinados licitadores con respecto ao resto.

Para iso, utilizou o procedemento de adxudicación negociado, que, segundo a Lei de Contratos do Sector Público, permite contratar obras cuxo valor estimado sexa inferior a un millón de euros e que impón a obrigación de solicitar ofertas polo menos a tres empresas. 

ÚLTIMAS

A neve e a choiva dificultaron este domingo a circulación nas estradas de 10 concellos de Lugo

A Deputación de Lugo activou este domingo un operativo para facer fronte aos efectos...

A restauración da Capela da Soidade de Lugo terminará en abril e permitirá a saída dos pasos de Semana Santa

As obras de restauración da Capela da Soidade da Venerable Orde Terceira en Lugo...

A neve complica a circulación e corta o paso de camións na A-6 desde Portela de Valcarce a Pedrafita

A neve caída nas últimas horas complica a circulación e corta o paso de...

Cervantes rexistra ata 20 centímetros de neve nunha xornada na que a Deputación despexa as estradas

O Concello de Cervantes foi un dos máis afectados na provincia de Lugo pola...