O Concello de Lugo informou dun corte na subministración de auga que, nas próximas horas, afectará á marxe esquerda das rúas Nicomedes Pastor Díaz e Lopo Leas, debido a unha avaría.
Así, fontes municipais trasladaron que o corte se producirá na mañá deste xoves para poder realizar as tarefas de reparación. Ademais, tamén haberá interrupcións puntuais do tráfico, que serán reguladas pola Policía Local.
Estes cortes de tráfico afectarán á intersección entre as rúas Miguel de Cervantes e Nicomedes Pastor Díaz, que é a zona onde se localizou a avaría. Mentres se manteña cortado a subministración de auga, os veciños disporán dun punto para abastecerse diante do número 14 da rúa Nicomedes Pastor Díaz.
A Brigada de Augas prevé que o servizo quede restablecido esta mesma xornada de xoves, e o Concello trasladou as súas desculpas polas molestas que poida ocasionar esta medida.
