InicioPolíticaSánchez destaca o "potencial" de Lugo para situarse á vangarda contra o...

Sánchez destaca o “potencial” de Lugo para situarse á vangarda contra o cambio climático

Visitou Impulso Verde é o primeiro edificio público de Galicia construído integramente en madeira galega e implica un aforro enerxético do 74%

PUBLICADA O

- Advertisement -

O presidente do Goberno, Pedro Sánchez, destacou o “potencial” das cidades de España, como Lugo, para situarse á “vangarda da sustentabilidade” mediante a adaptación ao cambio climático, a adopción de medidas de aforro enerxético e a reutiización de recursos.

Acompañado do delegado do Goberno, Pedro Branco, Sánchez visitou este sábado o edificio Impulso Verde, o primeiro construído en madeira, e asistiu a unha presentación do proxecto LIFE Lugo + Biodinámico, que engloba a construción deste edificio no marco do Programa Life, único instrumento financeiro da Unión Europea destinado de forma exclusiva á acción climática, segundo lembra o Goberno.

Impulso Verde é o primeiro edificio público de Galicia construído integramente en madeira galega e implica un aforro enerxético do 74% fronte ás construcións xa existentes e de 700 toneladas de CO2 respecto dos edificios convencionais.

A súa construción supón o primeiro paso no desenvolvemento do futuro Barrio Multiecológico de Lugo, un modelo de resiliencia urbana para lograr unha adaptación efectiva ao cambio climático.

A construción estrutural de vivendas en madeira, a reutilización de augas pluvialesy residuos ou a aplicación de medidas de aforro enerxético son algunhas das claves do proxecto LIFE Lugo + Biodinámico, que busca dotar ás zonas verdes públicas dunha maior utilidade climática e enerxética, máis aló da súa simple función ornamental. Ademais, este proxecto supón un amplo impacto social pola súa capacidade de concienciación enerxética e climática aplicada ao ámbito educativo.

ÚLTIMAS

A neve e a choiva dificultaron este domingo a circulación nas estradas de 10 concellos de Lugo

A Deputación de Lugo activou este domingo un operativo para facer fronte aos efectos...

A restauración da Capela da Soidade de Lugo terminará en abril e permitirá a saída dos pasos de Semana Santa

As obras de restauración da Capela da Soidade da Venerable Orde Terceira en Lugo...

A neve complica a circulación e corta o paso de camións na A-6 desde Portela de Valcarce a Pedrafita

A neve caída nas últimas horas complica a circulación e corta o paso de...

Cervantes rexistra ata 20 centímetros de neve nunha xornada na que a Deputación despexa as estradas

O Concello de Cervantes foi un dos máis afectados na provincia de Lugo pola...