O Consorcio Provincial contra Incendios e Salvamento de Lugo recolocou efectivos de Chantada en Vilalba por falta de efectivos, segundo indica. Nun comunicado, sinala que dous dos efectivos previstos para cubrir os servizos mínimos no parque de bombeiros de Chantada e Vilalba este domingo “só se presentron a traballar dous no vilalbés e un no chantadino”.

“Avisados os efectivos designados como suplentes na quenda de hoxe, non se presentaron”, engaden desde o Consorcio que asevera que así “non se cumprían os servizos mínimos nestes dous parques”.

“Atendendo á premisa de dar cobertura á maior zona e poboación posible, o Consorcio procedeu a recolocar ao efectivo de Chantada no parque de Vilalba, desde onde se atenderán as posibles incidencias”. O parque chantadino non prestará servizo ata mañá luns, ás nove horas.