InicioLugo e contornaLugoUn local de Lugo afronta multas de 30.000 a 600.000 euros por...

Un local de Lugo afronta multas de 30.000 a 600.000 euros por ter actuacións musicais sen permiso e carecer de seguro

Efectivos da Policía Local de Lugo levantaron acta de denuncia con respecto a un local de hostalaría da cidade por orgqanizar actuacións musicais sen a correspondente autorización e por carecer de seguro de responsabilidade civil.

PUBLICADA O

- Advertisement -

Efectivos da Policía Local de Lugo levantaron acta de denuncia con respecto a un local de hostalaría da cidade por organizar actuacións musicais sen a correspondente autorización e por carecer de seguro de responsabilidade civil.

Segundo informaron fontes policiais, o pasado fin de semana, durante unha inspección, detectouse un local do centro histórico que carece deste seguro, o que supón unha infracción moi grave á normativa de espectáculos públicos de Galicia, polo que se abriron dilixencias de denuncia. O responsable do establecemento enfróntase a unha multa que pode ir de 30.001 a 600.000 euros e á posible clausura temporal ou definitiva do local.

Por outra banda, a Policía tamén comprobou que o establecemento ten licenza de café-bar, pero que organiza actuacións musicais en directo sen autorización, para o que ten instalado un palco móbil, micrófonos e megafonía. Esta situación deu lugar a outra denuncia.

Así mesmo, a Policía Local de Lugo informou da tramitación doutras 4 denuncias por venda ambulante irregular, detectada na mañá do venres. Unha dotación do 092 desprazouse ao parque da Milagrosa, con motivo do mercadillo semanal, e alí identificou a catro persoas que ocupaban espazo público para a venda ambulante sen autorización.

SEGURIDADE VIARIA

Con respecto ás actuacións relacionadas coa seguridade viaria, durante o fin de semana a Policía Local de Lugo denunciou a cinco condutores que circulaban baixo os efectos do alcol, un deles cunha taxa que superaba a cualificación de infracción e supuña xa un delito. En todos os casos os vehículos foron inmobilizados.

ÚLTIMAS

Remite o temporal que deixa moita neve, inundacións e estradas cortadas en Lugo

Os efectos do temporal remitiron nas últimas horas en Galicia, cun descenso no volume de precipitacións...

A neve dificulta a circulación en Lugo e os camións non poden circular pola LU-633 en Pedrafita do Cebreiro

A caída de neve dificultou a circulación na provincia de Lugo e, en concreto,...

Desestimada a demanda da irmá dunha muller asasinada por mal funcionamento da Casa da Muller de Lugo

O Xulgado do Contencioso-administrativo número 2 de Lugo desestimou a demanda presentada pola irmá da muller...

O PP de Lugo di que o anuncio da rehabilitación da N-540 dilata tres anos unhas obras que deberían ser urxentes

O PP de Lugo considera insuficiente o anuncio da adxudicación das obras de rehabilitación do firme...