Traballadores do sector da limpeza en Lugo criticaron “unha nova mostra do “absoluto desinterese” de Aspel ao pedir ao Consello Galego de Relacións Laborais, un adiamento de 48 hora para decidir se acepta someterse á mediación ou non. Nunha nota de prensa, a CIG sinalou que esta comunicación foi remitida pola empresa na tarde do martes, polo que o prazo solicitado finalizaría este xoves.Para a representante da CIG-Servizos, Asunción Castiñeira, con este escrito a patronal estatal rí “de todo o mundo: das traballadoras, do CGRL, da administración e mesmo das persoas afectadas polas consecuencias da folga”. Castiñeira cargou contra a actitude da patronal por “secuestrar e negar” o dereito á negociación colectiva das traballadoras e lamentou o “desastroso papel” que xogan as administracións neste conflito.”A postura de Aspel, desde o primeiro momento, é dun desprezo total ao sector. Tivemos que pelexar para conseguir que se constituíse a mesa de negociación, porque Aspel non quería e agora as traballadoras teñen que realizar un esforzo económico, físico e psicolóxico descomunal“, puntualizou.FOLGA E MOBILIZACIÓNS CONTINÚANCon todo, á espera de que Aspel “responda sobre a mediación”, o persoal continúa coas mobilizacións diarias na rúa, os piquetes informativos, recolle apoios institucionais e fai quendas de 24 horas na caravana reivindicativa que instalaron hai unha semana ante o edificio da Xunta en Lugo.Na xornada do xoves acudirán á sesión plenaria do Concello no que se debaterá unha moción de apoio á súa loita e para a próxima semana un grupo de traballadoras trasladaranse ata Santiago xa que o BNG vai presentar unha iniciativa no Parlamento sobre o conflito no sector da limpeza de Lugo.
O sector da limpeza en Lugo critica a petición de adiamento da patronal para decidir se acepta a mediación
Traballadores do sector da limpeza en Lugo criticou "unha nova mostra do "absoluto desinterese" de Aspel ao pedir ao Consello Galego de Relacións Laborais, un adiamento de 48 hora para decidir se acepta someterse á mediación ou non.
PUBLICADA O
- Advertisement -
