- Advertisement -
A alcaldesa de Lugo, Lara Méndez, convocou un encontro coa concesionaria do servizo de limpeza dos edificios municipais o vindeiro luns, para negociar e tentar solucionar as consecuencias do conflito laboral e pór fin á folga.
A través dun comunicado de prensa, a rexedora asegura que a situación de folga na que levan xa varias semanas é “indesexable por todas as partes”, sobre todo para o sector educativo, que é onde se concentra o groso das protestas.
Engade que, aínda que estean a demostrar o “esencial” das tarefas deste colectivo, é “urxente” que patronal e sindicatos senten de novo a dialogar, co compromiso de “darlle saída á situación”.
