A Garda Civil investiga a un home que foi interceptado na N-640, ao seu paso polo termo municipal de Lugo, e mostrou un carné de conducir falso expedido no país africano Mali. Ademais, xa lle retiraron o permiso en España.
Segundo informa o Instituto Armado, o carné que presentou nun principio parecía legal e válido. Con todo, os axentes, ao realizar unha análise máis minuciosa, observaron indicios suficientes como para descartar a súa autenticidade, polo que procederon á súa intervención.
Así mesmo, durante esta mesma actuación, os gardas civís puideron saber que o condutor tivera anteriormente un permiso español e que sobre el constaba unha resolución de perda de vixencia por parte da Xefatura Provincial de Tráfico de Xaén, sen que constase que realizase ningún curso e resultase apto na proba de coñecementos correspondente.
