- Advertisement -
Dous camións chocaron na A-6, ao seu paso por Lugo, no punto de incorporación e saída do polígono do Ceao, aínda que non deixou feridos.
Un dos camións transportaba leite pero en ningún dos dous casos levaban mercadoría perigosa, segundo confirmou o 112 a Europa Press.
O sinistro, que tivo lugar sobre as 6,30 horas, orixinouse pola colisión dos dous camións na A-6, sentido Madrid, un dos vehículos quedou atravesado e outro na beiravía, pero os condutores estaban ben.
A Central de Atención ás Emerxencias mobilizou á Garda Civil de Tráfico e a Policía Local.
