InicioLugo e contornaDetidos en Lugo dous homes acusados de roubar en Vilalba e Ribadeo

Detidos en Lugo dous homes acusados de roubar en Vilalba e Ribadeo

A Garda Civil arresta a outro home de 26 anos por un delito de furto dunha cadeira de rodas eléctrica valorada en 2.700 euros en Vilalba

PUBLICADA O

- Advertisement -

Segundo informou a Garda Civil de Lugo, un dos detidos correspóndese cun home de Vilalba, de 32 anos, acusado de roubar no interior dunha vivenda desa mesma localidade. Os feitos ocorreron hai varios días, cando descoñecidos, en ausencia das persoas que viven na vivenda, accederon ao seu interior usando unha chave falsa e levaron 600 euros en efectivos e diversas xoias pendentes de valoración pericial. A persoa detida foi posta a disposición do Xulgado de Instrución número 1 da localidade de Vilalba.

OUTRO ROUBO EN RIBADEO

Ademais, a Garda Civil investiga a un home de 25 anos por un delito de roubo con forza nas cousas nun establecemento de hostalaría en Ribadeo. Segundo o relato policial, a persoa que perpetrou o roubo, tras franquear o muro perimetral do local, accedeu ao interior do establecemento por unha xanela. Alí, levou unha caixa rexistradora con 500 euros e varios produtos cociñados, saíndo posteriormente pola porta principal do restaurante. A persoa investigada foi posta a disposición xudicial.

FURTO DUNHA CADEIRA DE RODAS ELÉCTRICAS

Doutra banda, a Garda Civil detivo a un veciño de Muimenta-Cospeito, de 26 anos, como suposto autor dun delito de furto. Os feitos tiveron lugar en outubro na localidade lucense de Vilalba, na cal a persoa detida supostamente levou unha cadeira de rodas eléctrica, valorada en 2.700 euros. A persoa detida foi posta a disposición do Xulgado de 1ª Instancia e Instrución número 2 de Vilalba.

ÚLTIMAS

Candia esixe ao goberno de Lugo que actúe ante os conflitos que se orixinan nos locais do lecer da rúa Tui

O barrio da Milagrosa de Lugo rexistrou esta fin de semana un novo incidente...

Detido en Lugo un home que quedou cunha menor de idade a través dunha aplicación de citas

A Policía Nacional detivo en Lugo a un home que foi sorprendido o pasado día 3...

Identificados catro almerienses por presuntamente estafar 4.500 a un empresario lucense por Internet

A Garda Civil de Lugo identificou a catro veciños de Almería por supostamente estafar 4.500 euros...

Incendio nunha empresa de colchóns de Palas de Rei mobiliza un amplo operativo de emerxencias

Os servizos de emerxencias traballan na extinción dun incendio iniciado no exterior do recinto...