- Advertisement -
Unha condutora resultou ferida ao saírse da vía o coche que conducía nunha estrada de Cospeito, segundo informou o CIAE 112 Galicia.
O sinistro tivo lugar pouco antes das 15,30 horas deste xoves, no quilómetro 6 da estrada LU-P-6501, e os servizos de Emerxencias recibiron o aviso por parte persoal do 061, que informaba de que a muller parecía incapaz de saír do vehículo polos seus propios medios.
O 112 Galicia mobilizou a efectivos de bombeiros de Vilalba e á Garda Civil de Tráfico que, unha vez no lugar, comprobaron que non era necesario utilizar equipos de excarceración. Con todo, foron os bombeiros quen sacaron á condutora ferida utilizando unha padiola. A muller foi posteriormente evacuada en ambulancia ao hospital de referencia.
