A Policía Nacional detivo a dous homes como presuntos autores dun delito de tráfico de drogas, e que supostamente se dedicaba a prover de cocaína a pequenos distribuidores da cidade de Lugo.

Segundo informaron fontes policiais, a investigación, desenvolvida durante meses, permitiu identificar e deter a estes dous sospeitosos, aos que se lles interveu case medio quilo de cocaína, uns 100 gramos de sustancia de corte, básculas de precisión, diñeiro en efectivo e outros efectos para a manipulación e preparación da droga.

Así mesmo, a Policía incautouse de dous vehículos, un deles ‘caleteado’ (cun agocho oculto, ao que se accedía mediante un mecanismo de presión que só coñece o propietario) utilizados para o transporte e a distribución da sustancia estupefaciente.