- Advertisement -
A Deputación de Lugo informa de que os traballos para a rehabilitación do firme da estrada LU-P-1911, de Mesón Novo a Chao de Vaga por Ventorrillo, á altura da Fonsagrada, obrigarán a realizar cortes de tráfico desde este xoves 24 de agosto e durante un prazo estimado de seis días.
A vía cortarase por tramos e quedarán sinalizados os desvíos. Esta actuación afecta a uns 5 quilómetros da estrada, desde o seu inicio ata o quilómetro 4,345 e do punto quilométrico 6,073 ao 6,822.
A institución provincial destina case 300.000 euros a estes traballos, que foron adxudicados á empresa Desenvolvementos e Metas S.L.
