Axentes da Policía Local tiveron que trasladarse a un local de hostalaría de Lugo, sobre as 14,55 horas do martes, ao negarse unha clienta a abonar a conta.
Segundo informa, os feitos sucederon nun establecemento da praza da Constitución e o importe ascendía a case 90 euros, por un grupo de oito persoas.
A muller alegou que era porque lles serviron moi mal e que, por iso cubriran unha folla de reclamacións, aínda que logo cambiou de versión e dixo que non pagaba porque non lle funcionaba o cartón no móbil, que pasaría máis tarde pagar. Finalmente, informouse aos responsables do establecemento para a formalización dunha denuncia.
Ás 15,45 horas do mesmo día, os axentes tamén acudiron a un establecemento da avenida da Coruña, esta vez porque dous clientes se foron sen pagar, sendo seguidos por un dos camareiros, sen que puideron ser alcanzados.
Tras obter unha descrición dos clientes, tentouse a súa localización, sen que resultase posible, polo que o requirente foi informado da posibilidade de formalizar denuncia polo ocorrido.
