O Instituto Xeográfico Nacional rexistrou unha decena de terremotos nos últimos días no municipio de Taboada, segundo informa na súa páxina web.

A maioría foron entre os días 21 e o 22, en concreto nesta xornada nun tramo de 20 minutos, e o último este mesmo luns, día 24, ás 15.13 horas, un de magnitude 1,8.

No caso dos rexistrados na xornada do sábado, día 22, foron entre as 03.27 horas e as 03.45 horas, chegando a contabilizarse un total de oito tremores, cunha magnitude nalgún caso de 1,6 e noutros de 2,3.

Os primeiros rexistráronse o día 21, a partir das 22.08 horas, cunha magnitude nun caso de 1,5 e no outro 2,1, segundo informa o Instituto Xeográfico Nacional.