O maxistrado do Xulgado de Instrución nº1 de Lugo decretou o ingreso en prisión provisional, comunicada e sen fianza do detido por acoitelar a un home de 41 anos o pasado sábado nun bar de Lugo. Segundo fontes xudiciais, o home, que foi detido pouco despois de que se producise a agresión, está sendo investigado por un delito de lesións agravadas.

Os feitos sucederon pola noite, sobre ás 23:53 horas na rúa Serra de Outes da capital lucense. O 112 Galicia recibiu o aviso a través dunha persoa particular que alertaba dun altercado neste punto. Ata o lugar, ademais de persoal do 061, desprazáronse axentes da Policía Nacional e da Policía Local.

Para atender ao ferido, o Servizo de Urxencias Sanitarias de Galicia-061 mobilizou unha ambulancia asistencial de Soporte Vital Básico e persoal sanitario do PAC de Lugo. Posteriormente, a vítima foi trasladada ao Hospital Universitario Lucus Augusti (HULA)