Tres persoas resultaron feridas de carácter leve nun accidente con catro vehículos implicados rexistrado na mañá deste xoves na cidade de Lugo. O sinistro produciuse ás 10:20 horas deste xoves no punto quilométrico 503 da N-6, entre a Avenida das Américas e Garabolos.

Segundo confirmou o CIAE 112 Galicia, un total de catro coches víronse involucrados neste accidente que deixou tres persoas feridas, todas elas leves, aínda que precisaron atención sanitaria. Ata a zona mobilizáronse efectivos de Urxencias Sanitarias 061, Policía Local, Garda Civil, bombeiros e voluntarios de Protección Civil.