O PP provincial de Lugo reivindicou este mércores que se volveu a situar como primeira forza política da provincia nas eleccións municipais do pasado 28 de maio ao alcanzar 85.640 apoios e 351 concelleiros, polo que será tamén o grupo máis numeroso na corporación da Deputación provincial de Lugo con 12 dos 25 deputados.

Os populares contarán polo partido xudicial de Lugo con seis representantes, dos 12 que lle corresponden na corporación provincial. Os concelleiros que serán deputados provinciais son Carmen José López (portavoz do PP en Sarria), Antonio Ameijide (edil en Lugo); e os rexedores José Pardo Lombao (Outeiro de Rei) Francisco Javier Balado (Castro de Rei), José Ángel Santos (Friol) e Jesús Manuel Núñez (As Nogais). Suplentes serán Héctor Corujo (O Incio), Olga Igrexas (Triacastela) e María José Gómez (Guntín).

Ademais, os rexedores do Incio e Triacastela está previsto que se incorporen ao longo do mandato, rotando con Carmen José López e Jesús Manuel Núñez. A aprobación formal dos deputados provinciais populares por Lugo oficializouse na xunta electoral por parte dos 129 concelleiros do PP nos distintos concellos da zona.

OUTROS PARTIDOS XUDICIAIS

Tamén este mércores foi elixido deputado provincial Javier Varela Vázquez, de Antas de Ulla, por aclamación dos edís do PP no partido xudicial de Chantada. Ademais, a corporación provincial contará con outro cinco representantes do PP: tres por Mondoñedo (A Mariña), un por Vilalba e un por Monforte de Lemos.

E.P.

+ postsBio ⮌

• E.P.

  Lanzamento de moedas e berros de “traidora” nun pleno bronco que certifica a nova maioría en Lugo
• E.P.

  O PPdeG insta a BNG e PSOE a frear a súa “escalada de odio” en Lugo: “A xente apoia a moción de impulso”
• E.P.

  A CIG traslada a súa manifestación do 1 de maio a Lugo para denunciar a “deriva autoritaria e golpista do PP”
• E.P.

  Detido en Lugo un home por tentar agredir con dous coitelos á parella da súa exmoza