A Policía Local de Lugo instruíu dilixencias por un suposto delito contra a seguridade viaria contra un condutor que duplicaba a taxa máxima de alcoholemia e deu positivo en cocaína, despois de saírse da vía e chocar contra unha estada.

Ocorreu na madrugada do luns na rúa Curros Enríquez, onde os axentes municipais dirixíronse por un accidente de circulación no que implicara un turismo. Os policías identificaron o condutor e, ao sometelo ás correspondentes probas, segundo informa o parte de incidencias do Concello, arroxou unha alcoholemia positiva de 0,62 miligramos por litro –máis do dobre de 0,30, que é o máximo permitido– e positivo en cocaína.

Así, a Policía Local instruíu dilixencias por un delito contra a seguridade viaria na modalidade de xuízo rápido. O vehículo tivo que ser inmobilizado.