Unha persoa resultou ferida nun accidente con catro vehículos implicados que tivo lugar na mañá deste martes no Concello de Lugo. Segundo informou o CIAE 112 Galicia, o sinistro produciuse ás 10,00 horas no punto quilométrico 83 da N-640 ao seu paso por Teixeiro.
Un particular deu a voz de aviso á central de emerxencias a través dunha chamada na que alertaba que unha persoa maior estaba ferida. Ata o lugar mobilizáronse efectivos de Urxencias Sanitarias 061, que trasladaron ao único ferido a un centro hospitalario.
