Un operario resultou ferido este venres tras explotar unha bombona de aire nun taller situado no Polígono Industrial das Gándaras, en Lugo. Así o confirmou o 112 Galicia, que sinalou que o suceso se produciu sobre as 17,30 horas.

A central de emerxencias recibiu o aviso a través do Servizo de Urxencias Sanitarias de Galicia-061 e, ao ter coñecemento dos feitos, solicitou a intervención da Policía Nacional e tamén informou os Bombeiros de Lugo e á Policía Local.