A centrais CIG e CC.OO. fixeron un chamamento a participar na manifestación deste domingo, 18 de xuño, do sector de supermercados en Lugo, como previa á primeira folga na provincia do comercio de alimentación, que será o 23 de xuño, para demandar un convenio “digno”.

A marcha partirá ás 12,00 horas do Froiz da rúa Montero Ríos, pasará polo Gadis da rúa Quiroga Ballesteros e terminará ante a sede da Confederación de Empresarios de Lugo, na Praza de Santo Domingo.

“Agora máis que nunca temos que demostrarlle á patronal e aos seus cómplices que estamos en contra de que se ninguneen as nosas propostas e aspiracións laborais e sociais, e tómense decisións en contra do sentir maioritario do sector”, destacan.

CIG e CC.OO. critican o “escurantismo” co que desenvolve as negociacións UGT, que manifestou que chegou a un preacordo coa patronal, “aínda que nin sequera convocaron a mesa de negociación para presentalo, poder avalialo e trasladar as propostas”.

Entre outras reivindicacións destes sindicatos atópanse: mellora salarial con aproximación ás condicións da provincia da Coruña e unha revisión anual conforme ao IPC, pago do 100% do salario en casos de incapacidade temporal, redución de xornada anual e sábados libres, entre outros.