Os sindicatos CC.OO. e CIG convocaron folga por primeira vez no sector do comercio da alimentación da provincia de Lugo, que será o venres 23 de xuño. Previamente, o 18 de xuño haberá unha manifestación que partirá ás 12:00 horas do supermercado Froiz de Montero Ríos e terminará ante a Confederación de Empresarios de Lugo, na praza de Santo Domingo.

CC.OO. e CIG convocaron esta protesta ante o “escurantismo e desprezo” co que a patronal e UXT pactaron un preacordo que “nin sequera lles presentou ás demais organizacións”: “Impedíndonos valoralo e presentar as nosas propostas”. E é que ese “suposto preacordo” segue “condeando” aos traballadores do sector na provincia de Lugo á “desigualdade e á precariedade laboral“. Apuntan que a parte empresarial foi a que lles comunicou nun escrito a CC.OO. e CIG os termos da proposta que UXT lle trasladou á patronal.

Nun comunicado, Comisión Obreiras indica que as súas reivindicacións para asinar o convenio pasan por: mellora salarial con aproximación ás condicións da provincia da Coruña e unha revisión anual conforme ao IPC, pago do 100% do salario en casos de incapacidade temporal, redución de xornada anual, sábados libres, entre outros.