Axentes de Policía Nacional da Comisaría Provincial de Lugo detiveron a un home como presunto autor dun delito de roubo con violencia, tras subtraer un bolso polo método do ‘tirón’ e causar lesións á vítima.
Segundo informaron fontes policiais, os feitos foron denunciados pola vítima no pasado abril. Esta persoa explicou que un home novo tiráralle do bolso, de maneira que se caeu ao chan e sufrira unha fractura nun ombreiro.
As pescudas policiais permitiron identificar o sospeitoso, que foi localizado na mañá deste luns por indicativos de radiopatrulla na rúa San Roque. Os axentes procederon á súa detención e posta a disposición do xulgado, que decretou o ingreso en prisión provisional.
Por outra banda, a Policía Nacional de Lugo tamén informou da detención doutro home, de mediana idade, como presunto autor dun delito de roubo con forza, cometido a pasada madrugada.
