A Xunta declarou de utilidade pública a parcelaria de Friolfe, no concello lucense do Páramo, que reorganizará 933 hectáreas repartidas en 1.618 parcelas propiedade de 211 veciños.
O Diario Oficial de Galicia (DOG) publicou este venres o decreto polo que se declara de utilidade pública a reestruturación parcelaria desa zona.Así, este decreto publicouse en aplicación da Lei de mellora da estrutura territorial agraria de Galicia (Metaga), que teñen como obxectivo aumentar a base territorial das explotacións e reducir considerablemente os custos de produción.
Nesta liña, o Executivo galego sinalou que o municipio do Páramo, situado na comarca de Sarria, destaca pola importancia do seu sector primario cunha relevante implantación de explotacións gandeiras.
