Equipos de emerxencia localizaron á primeira hora da mañá deste sábado na lagoa de Cospeito o cadáver dunha muller que se atopaba en paradoiro descoñecido desde o venres.

Tras ser avistado, o corpo foi recuperado da auga polos bombeiros de Vilalba ao redor das 08,00 horas deste sábado, segundo trasladaron os servizos de emerxencia. O caso está a ser investigado pola Garda Civil, que tivo constancia da desaparición desta muller na noite do venres.

Fontes próximas á investigación consultadas por Europa Press apuntan que o corpo non presenta signos externos de violencia. O operativo coordinado pola Garda Civil para recuperar o corpo contou coa participación de membros do servizo municipal Protección Civil de Vilalba e de voluntarios de Protección Civil de Meira.